कबीरधाम जिला के कला-संस्कृति बर एक बड़ खुशी के खबर हवय। कबीरधाम मं बने छत्तीसगढ़ी पारिवारिक फिल्म “मंगलसूत्र” 6 फरवरी ले कवर्धा के सब्बो टॉकीज मं रिलीज होवत हवय।
ये फिल्म मं छत्तीसगढ़ के संस्कार, परिवार के महत्व अउ समाज के सच्चाई ला बड़े सुन्दर ढंग ले दिखाए गे हवय।
फिल्म “मंगलसूत्र” एक शुद्ध पारिवारिक कहानी आय, जऊन मं रिश्तों के गहराई, पति-पत्नी के विश्वास अउ नारी सम्मान के संदेश साफ-साफ नजर आथे। फिल्म देखके हर उम्र के दर्शक अपन आप ला कहानी संग जुड़ा पाहीं।
कवर्धा के अंजली चंद्रवंशी भी दिखही बड़े पर्दा मं
फिल्म के खास बात ये आय के कवर्धा के जानी-मानी पत्रकार अउ “द फायर न्यूज़” के रिपोर्टर अंजली चंद्रवंशी भी ये फिल्म मं नजर आही।
पहली बार बड़े पर्दा मं अंजली चंद्रवंशी के अभिनय देखे बर कवर्धा के दर्शक मन मं जबरदस्त उत्साह हवय।
अंजली चंद्रवंशी अपन सशक्त भूमिका ले फिल्म मं जान डार देही, अउ ये कहना गलत नई होही के कवर्धा मं ये फिल्म संग-संग अंजली चंद्रवंशी भी धमाल मचाही।
फिल्म के रिलीज ले पहिलीच कवर्धा शहर मं जबरदस्त माहौल बन गे हवय।
छत्तीसगढ़ी सिनेमा के प्रेमी मन परिवार संग टॉकीज मं जाके फिल्म देखे बर तैयारी मं लगे हवंय।
“मंगलसूत्र” न सिरिफ मनोरंजन देथे, बल्कि समाज ला सही दिशा देके पारिवारिक मूल्यों ला मजबूत करे के काम घलो करथे।
